ಮುಂಬೈ ಹೋಟೆಲ್ ಉದ್ಯಮಿ: ಮೂಡುಬಿದಿರೆ ಲೋಕೇಶ್ ಶೆಟ್ಟಿ ನಿಧನ

 ಹೋಟೆಲ್ ಉದ್ಯಮಿ ಲೋಕೇಶ್ ಶೆಟ್ಟಿ

ಮೂಡುಬಿದಿರೆ:   ಉದ್ಯಮಿ, ಕಡಂದಲೆ ಪರಾರಿ ಮನೆತನದ  ಲೋಕೇಶ್ ಶೆಟ್ಟಿ (೬೭) ಶನಿವಾರ  ನಿಧನ ಹೊಂದಿದರು. 

 

ಮೂಡುಬಿದಿರೆ ಶ್ರೀ ಮಹಾವೀರ ಕಾಲೇಜಿನಲ್ಲಿ  ಬಿಎಸ್‌ಸಿ ಓದಿದ್ದ ಅವರು ಮುಂಬೈಯಲ್ಲಿ ತಂದೆ ಶಿಮಂತೂರು  ಮಜಲಗುತ್ತು ಗೋಪಾಲ ಶೆಟ್ಟಿ ಅವರು ನಡೆಸುತ್ತಿದ್ದ ಹೋಟೆಲ್ ಉದ್ಯಮದಲ್ಲಿ ತೊಡಗಿಸಿಕೊಂಡು ಬಳಿಕ ಸ್ವಂತ ಹೋಟೆಲ್ ತೊಡಗಿಸಿಕೊಂಡಿದ್ದರು.

ಮುಂಬೈನ ಖಾರ್ ವೆಸ್ಟ್ ನಲ್ಲಿ ವಾಸಿಸುತ್ತಿದ್ದ ಅವರು ಮಹಾವೀರ ಕಾಲೇಜು ಬಳಿಯಲ್ಲಿ ಕೃಷಿ ಭೂಮಿಯನ್ನು ಹೊಂದಿದ್ದಾರೆ. ದಾನಿಯಾಗಿ, ಬಹಳಷ್ಟು ಮಂದಿಗೆ ಉಪಕಾರಿಯಾಗಿದ್ದರು. ಪತ್ನಿ, ಪುತ್ರಿಯನ್ನು ಅವರು ಅಗಲಿದ್ದಾರೆ .

ಮಹಾವೀರ ಕಾಲೇಜು ಹಳೆ ವಿದ್ಯಾರ್ಥಿ ಸಂಘ ಲೋಕೇಶ್ ನಿಧನಕ್ಕೆ ತೀವ್ರ ಸಂತಾಪ ವ್ಯಕ್ತಪಡಿಸಿದರು.