ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನ- ಮಂಗಳೂರು ಟಿಐಇ ಶೈಕ್ಷಣಿಕ ಒಪ್ಪಂದ

 ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನ- ಮಂಗಳೂರು ಟಿಐಇ ಶೈಕ್ಷಣಿಕ ಒಪ್ಪಂದ

ಮೂಡುಬಿದಿರೆ: ಉದ್ಯಮಶೀಲತೆಯನ್ನು ಪ್ರೋತ್ಸಾಹಿಸುವ ಧ್ಯೇಯದೊಂದಿಗೆ  ಅನ್ಟ್ರಾಪಿನರ್ಸ್ ಮಂಗಳೂರಿನ ದಿ ಇಂಡಸ್ ಅನ್ರಟ್ರ ಘಟಕ(ಟಿಐಇ) ಹಾಗೂ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನವು ಶೈಕ್ಷಣಿಕ ಒಡಂಬಡಿಕೆ ಮಾಡಿಕೊಳ್ಳಲಿವೆ. ಈ ಒಡಂಬಡಿಕೆಯ ಭಾಗವಾಗಿ ಟಿಐಇ ಎಲೈಟ್ ಎಂಬ ವಿನೂತನ ಕಾರ್ಯಕ್ರಮ ಆಳ್ವಾಸ್‌ನ ಸಂಸ್ಥೆಗಳಲ್ಲಿ 2024-25ನೇ ಶೈಕ್ಷಣಿಕ ಅವಧಿಯಲ್ಲಿ ಅನುಷ್ಠಾನಗೊಳ್ಳಲಿದೆ. ಟಿಐಇ ಜೊತೆಗಿನ ಒಡಂಬಡಿಕೆಯ ಮೂಲಕ ಆಳ್ವಾಸ್ ಸಂಸ್ಥೆಯು ಕರಾವಳಿ ಭಾಗದ ಏಕೈಕ ಸಂಸ್ಥೆ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ ಎಂದು ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಡಾ.ಎಂ ಮೋಹನ ಆಳ್ವ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು‌.

ಟಿಐಇ ಕರಾವಳಿ ಭಾಗದಲ್ಲಿ ಹೆಚ್ಚಿನ ಉದ್ದಿಮೆಗಳು ಸ್ಥಾಪನೆಗೆ ಪ್ರೋತ್ಸಾಹ ನೀಡುವುದರ ಮೂಲಕ ಈ ಭಾಗವನ್ನು ಭಾರತದ ಸಿಲಿಕಾನ್ ಬೀಚ್ ಮಾಡುವ ಗುರಿಯನ್ನು ಹೊಂದಿದೆ. ಆಳ್ವಾಸ್ ವಿದ್ಯಾರ್ಥಿಗಳಿಗೆ ಒಂದು ಹಾಗೂ ಮೂರು ತಿಂಗಳುಗಳ ಕಾಲ ಇಂಟರ್ನ್ಶಿಪ್ ಅವಕಾಶವನ್ನು ಕಲ್ಪಿಸಿ, ಆ ಮೂಲಕ ವಿದ್ಯಾರ್ಥಿಗಳಿಗೆ ಉತ್ತಮ ಉದ್ಯೋಗ ಪಡೆಯಲು ಸಹಕಾರಿಯಾಗಲಿವೆ. ಸಂಸ್ಥೆಯು ತನ್ನ ಸಂಪನ್ಮೂಲ ವ್ಯಕ್ತಿಗಳನ್ನು ಆಳ್ವಾಸ್ ಸಂಸ್ಥೆಯ ವಿವಿಧ ಕಾಲೇಜುಗಳ ಅಧ್ಯಯನ ಮಂಡಳಿಯಲ್ಲಿ ನೇಮಿಸಲಿದ್ದು, ಅವರು ಉದ್ಯಮ, ಉದ್ಯಮಶೀಲತೆ ಹಾಗೂ ಔದ್ಯೋಗಿಕ ಕ್ಷೇತ್ರಕ್ಕೆ ಸಂಬಂಧಿತ ವಿಷಯಗಳು ಕುರಿತು ಸಲಹೆ, ಸೂಚನೆಗಳನ್ನು ನೀಡಲಿದ್ದಾರೆ. 

ಸಂಸ್ಥೆಯ ಸದಸ್ಯರು ಸಂದರ್ಶಕ ಅಧ್ಯಾಪಕರಾಗಿ ಕಾಲೇಜುಗಳಿಗೆ ಆಗಮಿಸಿ, ವಿದ್ಯಾರ್ಥಿಗಳಿಗೆ ಪಾಠ, ಭೋದನೆಯನ್ನು ನೆರವೇರಿಸಲಿದ್ದಾರೆ. ಪ್ರತಿ ಶೈಕ್ಷಣಿಕ ವರ್ಷಕ್ಕೆ 20 ಗಂಟೆಗಳ ಕಾಲ ವಿಶ್ವವಿದ್ಯಾನಿಲಯದ ಅವಶ್ಯಕತೆಗಳನ್ನು ಆಧರಿಸಿ ವಿವಿಧ ವಿಭಾಗಗಳಲ್ಲಿ ಸಂದರ್ಶಕ ಪ್ರಾಧ್ಯಾಪಕರ ನೇಮಕವಾಗಲಿದೆ.

ಕಂಪೆನಿಗಳಿಗೆ ಆಳ್ವಾಸ್ ವಿದ್ಯಾರ್ಥಿಗಳು ಭೇಟಿ ನೀಡಲು ಅವಕಾಶ ದೊರೆಯಲಿದೆ. ಈ ಅವಧಿಯಲ್ಲಿ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶನ ನೀಡಲು ಸೂಕ್ತ ಮಾರ್ಗದರ್ಶಕರ ವ್ಯವಸ್ಥೆಯನ್ನು ಒದಗಿಸಲಾಗುತ್ತದೆ. ಈ ಒಡಂಬಡಿಕೆಯ ಮೂಲಕ ಟಿಐಇ ಸಂಸ್ಥೆಯು ಆಳ್ವಾಸ್‌ನಲ್ಲಿ ವಾರ್ಷಿಕ ಎರಡು ಕರ‍್ಯಕ್ರಮವನ್ನು ಹಮ್ಮಿಕೊಳ್ಳಲಿದ್ದು, ಇದರ ಭಾಗವಾಗಿ ಟೆಕ್ನಿಕಲ್ ಸೆಷನ್ಸ್, ಚಿಂತನ ಮಂಥನ, ಚರ್ಚೆ ಹಾಗೂ ಕರ‍್ಯಗಾರಗಳು ನೆರವೇರಲಿವೆ. ವ್ಯಾಪಾರ ನಿರ್ವಹಣೆಯ ಮೂಲಭೂತ ಅಗತ್ಯತೆಗಳು, ಹಣಕಾಸಿನ ನಿರ್ವಹಣೆ, ಇವೇ ಮುಂತಾದ ವಿಷಯಗಳ ಮೇಲೆ ಚರ್ಚೆಗಳು ನಡೆಯಲಿವೆ. ಇವುಗಳ ಜೊತೆಗೆ ಯಶಸ್ವಿ ಉದ್ಯಮಿಗಳ ಜೊತೆ ವಿದ್ಯಾರ್ಥಿಗಳು "ನನ್ನ ಕಥೆ ನಿಮ್ಮ ಜೊತೆ" ಎಂಬ ಉದ್ಯಮಿಗಳ ಯಶೋಗಾಥೆಯ ಸರಣಿ ಕಾರ್ಯಕ್ರಮಗಳು ನಡೆಯಲಿವೆ. ಕಾರ್ಪೊರೇಟ್ ಶಿಷ್ಟಾಚಾರದ ಕುರಿತು ತರಬೇತಿ, ಳ್ವಾಸ್ ಇಂಜಿನಿಯರಿಂಗ್ ಕಾಲೇಜಿನ ಇಬ್ಬರು ಆಯ್ದ ವಿದ್ಯಾರ್ಥಿಗಳ ಸ್ಟಾರ್ಟಅಪ್‌ಗಳಿಗೆ ಸೂಕ್ತ ಮಾರ್ಗದರ್ಶನದ ಜೊತೆಗೆ ಸಂಪನ್ಮೂಲ ಒದಗಿಸುವಿಕೆ ಹಾಗೂ ಉದ್ಯಮದ ವೃದ್ಧಿಗೆ ಉತ್ತಮ ನೆಟ್‌ವರ್ಕಗಳನ್ನು ಒದಗಿಸಲಾಗುತ್ತದೆ. ಉದ್ಯಮಶೀಲರ ಜಾಗತಿಕ ಜಾಲಕ್ಕೆ ಪ್ರವೇಶಕ್ಕೆ ವಿದ್ಯಾರ್ಥಿಗಳಿಗೆ ಸಹಕಾರಿಯಾಗಲಿದೆ ಎಂದು ಅವರು ತಿಳಿಸಿದರು.

ಎರಡು ಸಂಸ್ಥೆಯವರು ಒಡಂಬಡಿಕೆಗೆ ಪರಸ್ಪರ ಸಹಿ ಹಾಕಿದರು.

ಗ್ಲೋ ಟಚ್ ಸಂಸ್ಥೆಯ ಮುಖ್ಯಸ್ಥ ಶದಯ ಪ್ರಸಾದ್ ಹೆಬ್ಬಾರ್ ,99ಗೇಮ್ಸ್ ಸಂಸ್ಥೆಯ ರೋಹಿತ್ ಭಟ್,ಟಿಐಇ ಸಂಯೋಜಕ ಅಖಿಲೇಶ್, ಆಳ್ವಾಸ್ ಇಂಜಿಯರಿಂಗ್ ಕಾಲೇಜು‌ ಪ್ರಾಂಶುಪಾಲ ಡಾ.ಪೀಟರ್ ಫೆರ್ನಾಂಡಿಸ್, ಪದವಿ ಕಾಲೇಜು ಪ್ರಾಂಶುಪಾಲ ಡಾ.ಕುರಿಯನ್ ಸುದ್ದಿಗೋಷ್ಠಿಯಲ್ಲಿದ್ದರು.