ಮನೆ,ನಾಗಬನಕ್ಕೆ ಸಿಡಿಲು ಬಡಿತ:ವಿದ್ಯುತ್ ಉಪಕರಣಗಳು ಭಸ್ಮ

ಮೂಡುಬಿದಿರೆ: ಪಡುಮಾರ್ನಾಡ್ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಬನ್ನಡ್ಕ  ಪಾಡ್ಯಾರ್ ನಿವಾಸಿ ಸುಜಾತ ಎಂಬವರ ಮನೆಗೆ ನಿನ್ನ ರಾತ್ರಿ ಸಿಡಿಲು ಬಡಿದು ಮನೆಯ ಕರೆಂಟ್ ಸ್ವಿಚ್ ಬೋರ್ಡ್, 'ವಿದ್ಯುತ್ ವಯರ್ ಗಳು ಸುಟ್ಟು ಸುಮಾರು 50 ಸಾವಿರ  ಮೌಲ್ಯದ ವಿದ್ಯುತ್ ಇತರ ಸಲಕರಣೆಗಳು ಹಾನಿಗೀಡಾಗಿವೆ.

ಸ್ಥಳಕ್ಕೆ ಮೂಡುಮಾರ್ನಾಡ್ ಪಂಚಾಯತ್ ಪಿಡಿಓ ಅನಿಲ್, ಭೇಟಿ ನೀಡಿ ಪರಿಶೀಲಿಸಿದ್ದಾರೆ ಈ ಸಂಧರ್ಭ ದಲ್ಲಿ ಸುಜಾತ ಹಾಗೂ ಅವರ ತಾಯಿ ಮನೆಯೊಳಗಿದ್ದು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.                       ನಾಗಬನಕ್ಕೆ ಹಾನಿ: ಈ ಸಂದರ್ಭದಲ್ಲಿ ಇವರ ಮನೆಯ ಪಕ್ಕದಲ್ಲಿ ಇರುವ ನಾಗಬನಕ್ಕೂ ಕೂಡ ಸಿಡಿಲು ಬಡಿದಿದ್ದು ನಾಗನ ಗುಡಿ ಭಾಗಶಃಹಾನಿಯಾಗಿದೆ.