ಜುಲೈ .14, 15 ಮತ್ತು 16ರಂದು ಮೂಡುಬಿದಿರೆಯಲ್ಲಿ ಬೃಹತ್ ಹಲಸುಮೇಳ

 ಜುಲೈ .14, 15 ಮತ್ತು 16ರಂದು ಮೂಡುಬಿದಿರೆಯಲ್ಲಿ ಬೃಹತ್ ಹಲಸುಮೇಳ

ಮೂಡುಬಿದಿರೆ: ಇಲ್ಲಿನ  ಆಳ್ವಾಸ್ ನ ಶಿಕ್ಷಣ ಪ್ರತಿಷ್ಠಾನ,  ಸ್ಥಳೀಯ ಸಂಘ ಸಂಸ್ಥೆಗಳ ಸಹಯೋಗದೊಂದಿಗೆ ಜುಲೈ 14, 15  ಮತ್ತು 16ರಂದು ಸ್ಕೌಟ್ಸ್ ಗೈಡ್ಸ್ ಕನ್ನಡ ಭವನದಲ್ಲಿ  ಬೃಹತ್ ಹಲಸು ಮೇಳವನ್ನು  ಆಯೋಜಿಸಲಾಗಿದೆ ಎಂದು ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಡಾ.ಎಂ.ಮೋಹನ ಆಳ್ವ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದ್ದಾರೆ.

ಹಲಸು ಮೇಳಕ್ಕಾಗಿ ಈಗಾಗಲೇ ಸಿದ್ದತೆಗಳು ಆರಂಭಗೊಂಡಿದೆ.

ಹಲಸಿನ ಮೌಲ್ಯವರ್ಧನೆ, ಸಾಧ್ಯತೆಗಳನ್ನು ಸ್ಪಷ್ಟವಾಗಿ ನಿರೂಪಿಸುವ ಕಾರ್ಯ ಇಲ್ಲಾಗಲಿದೆ. ಹಲಸಿನ ವಿವಿಧ ಸಾಂಪ್ರದಾಯಿಕ ಖಾದ್ಯ, ಅಡುಗೆಗಳು, ವಿವಿಧ ಜಾತಿಯ ಹಲಸುಗಳ ಪ್ರದರ್ಶನ, ಆಹಾರೋತ್ಸವವೂ ನಡೆಯಲಿದೆ. ದೇಶ ವಿದೇಶಗಳ ಹಣ್ಣು, ಮಾವಿನ ಉತ್ಸವವೂ ನಡೆಯಲಿದೆ. ಜಿಲ್ಲೆಯ ಎಲ್ಲ ಕೃಷಿಕರಲ್ಲಿ ಲಭ್ಯವಿರುವ ಹೊಸ ಹೊಸ ಹಣ್ಣುಗಳ ಪ್ರದರ್ಶನಕ್ಕೆ ಅವಕಾಶ ಕಲ್ಪಿಸಲಾಗಿದೆ. ವಿವಿಧ ಜಾತಿಯ ಗಿಡಗಳು, ಹಣ್ಣಿನಗಿಡಗಳು, ಇವೆಲ್ಲವೂ ಈ ಮೇಳದ ಮೂಲಕ ಜನತೆಗೆ ಲಭ್ಯವಾಗಲಿದೆ ಎಂದು ತಿಳಿಸಿದರು.